Policia e Kosovës ka njoftuar se gjatë së dielës janë gjetur pa shenja jete dy persona, një në Prishtinë dhe një tjetër në Fushë-Kosovë.
Sipas raportit zyrtar, në rastin e parë në Prishtinë, viktima është gjetur pa shenja jete, ndërsa në vendin e ngjarjes kanë intervenuar njësitë përkatëse policore. Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion dhe rasti është duke u hetuar.
Ndërkaq, në Fushë-Kosovë, rreth orës 21:20 është raportuar për një person të shtrirë. Në vendngjarje kanë dalë njësitë relevante të policisë dhe ekipi mjekësor, të cilët kanë konstatuar vdekjen e viktimës, po ashtu mashkull. Me urdhër të prokurorit, trupi është dërguar në IML për obduksion, ndërsa rasti mbetet në procedurë hetimore. /teve1.info/
