Mehaj tha se major Ilir Beqiri dhe Major Dedë Hiseni kanë përfunduar me rezultate të shkëlqyera Kursin e Oficerit Komando-Shtabor në shkollën e Komandës dhe Shtabit të Përgjithshëm në SHBA.
Sipas tij, qëllimi i këtij kursi është që të aftësojë oficerë për të realizuar me kompetencë të plotë detyrat komanduese dhe ato të oficerit shtabor.
“Edhe një sukses i madh i radhës së oficerëve tanë! Major Ilir Beqiri dhe Major Dedë Hiseni, kanë përfunduar me rezultate të shkëlqyera Kursin e Oficerit Komando-Shtabor në Shkollën e Komandës dhe Shtabit të Përgjithshëm (CGSS) në SHBA.Qëllimi i kursit është të aftësoj oficerë kompetent dhe fleksibil, të gatshëm për të realizuar me kompetencë të plotë detyrat dhe përgjegjësitë komanduese dhe ato të oficerit shtabor”, ka shkruar ai në një postim në Facebook.
Ai po ashtu ka shprehur mirënjohje dhe falënderim për ushtrinë amerikane për mundësitë e ofruara.
“Mirënjohje për rezultatet e oficerëve tanë dhe prezantimit dinjitoz krahas kolegëve amerikanë dhe kolegëve nga vende të ndryshme të Botës. Falënderim i përhershëm për ushtrinë amerikane për mundësitë e ofruara që të ngrisim kuadrot profesionale sipas standardeve më të avancuara akademike e profesionale. Vazhdojmë drejtë sukseseve të radhës!”, tha Mehaj. /teve1.info/
