Dy ndeshje zhvillohen sot në Superligën e basketbollit vendor. Me fillim nga ora 17:00 Peja e pret Proton Cable Prizrenin në kuadër të xhiros së nëntë, ndeshje kjo e shtyer me kërkesë të pejanëve të cilët kishin obligime në garat evropiane.
Në dy duele sivjet, Peja ka triumfuar fillimisht në çerekfinale të Superkupës 92-81. Derisa më pas triumfoi edhe në xhiron e dytë të Superligës 85 : 115.
Akualisht Peja gjendet e dyta në tabelë me 7 fitore e 2 humbje, derisa Proton Cable Prizreni gjendet i parafundit me 2 fitore e 7 humbje.
Ndërkaq, në orën 19:00, Sigal Prishtina është nikoqire e Trepçës, e cila u shty për arsyen e njëjtë, pasi xehetarët ishin të angazhuar në garat e evropës.
