Përflitej një kalim në Serie A, te kampioni i Italisë Napoli, në fillim të vitit, por në përfundim të kampionatit u përmend edhe Atalanta nga kampionati italian.
Edon Zhegrova është emri i madh i futbollit të Kosovës që përmendet vazhdimisht për një transferim në një ligë më të fortë, ndërsa largimin nga Lille, e konfirmoi të enjten edhe presidenti i skuadrës franceze, Olivier Letang.
Por përderisa nuk ka asnjë të re nga kampi i futbollistit, spekulimet janë të mëdha ditëve të fundit për të ardhmen e sulmuesit anësor nga Prishtina.
26-vjeçari të premten lidhej me kalimin në Premier League, me dy ekipe prapa tij,
Newcastle United dhe Everton.
Media të ndryshme në Angli raportojnë për Zhegrovën si një opsion i mirë dhe më pak i kushtueshëm për “Laraskat e zeza”.
Përfaqësuesi i Kosovës mund të kushtojë diçka më shumë se 20 milionë euro.
Ndërkohë portali nga Liverpooli “Everton News” që raporton për lajmet rreth klubi të Evertonit, e përmend Zhegrovën si alternativë për ekipin e David Moyes.
Edoni humbi gjysmën e dytë të sezonit të kaluar për shkak të një dëmtimi, kështu që ai u kufizua në vetëm 21 paraqitje në të cilat shënoi tetë gola dhe dha dy asistime.
