Inspektorati i Kryeqytetit ka shqiptuar dy gjoba në vlerë prej 200 euro secila për shkelje që lidhen me menaxhimin e mbeturinave.
Sipas njoftimit, një gjobë prej 200 eurosh është vendosur për hedhjen e mbeturinave vëllimore në lagjen Lakrishtë, ndërsa gjoba e dytë, po ashtu në vlerë prej 200 eurosh, i është shqiptuar një biznesi për hedhjen e mbeturinave biznesore në kontejnerët e dedikuar për amvisëri.
Nga Inspektorati i Kryeqytetit është bërë thirrje që qytetarët dhe bizneset t’i respektojnë rregullat për menaxhimin e mbeturinave dhe të kontribuojnë në ruajtjen e pastërtisë së qytetit.
Autoritetet kanë paralajmëruar se inspektimet në terren dhe masat ndëshkuese ndaj shkelësve do të vazhdojnë edhe në periudhën e ardhshme, me qëllim të përmirësimit të rendit dhe pastërtisë në kryeqytet./teve1.info/
