Policia kanë bërë të ditur se ata në prezencë edhe të prindërve të tyre, paratë e gjetura i kanë dorëzuar në stacionin e policisë në Ferizaj, raporton teve1.info
“Dje, rreth orës 15:00 dy fëmijë nga Ferizaj, Erion Domaneku 12 vjeçar dhe Ergin Salihu 11 vjeçar, tek një objekt afarist përball shkollës ‘’Jeronim De Rada’’ në rrugën ‘’Dëshmorët e Kombit’’ në Ferizaj, i kanë gjetur një shumë të caktuar të të hollave. Ata në prezencë edhe të prindërve të tyre, menjëherë paratë e gjetura i kanë dorëzuar në stacionin e policisë në Ferizaj”, thuhet në njoftim.
Policia ka bërë apel pronarit që të paraqitet në stacionin e policisë në Ferizaj.
“Lusim, pronarin/en e vërtetë të këtyre parave, të paraqitet në stacionin e policisë në Ferizaj dhe të vërtetohet pronësia për t’ia dorëzuar ato”, thuhet në njoftim.
