Forma e mirë e Arbër Hoxhës ka bërë që skuadrat nga Anglia, të futen në garë për shërbimet e tij.
Bëhet e ditur se ekipet nga Championshipi, Sheffield Unitedi e Hull City janë në garë për Hoxhën, i cili është pjesë e DInamo Zagrebit.
Hull City pati monitoruar Hoxhën edhe para fillimit të këtij sezoni, por Dinamo vendosi ta mbajë sulmuesin e krahut, i cili në atë kohë kërkohej edhe në Turqi.
Hoxha ka rinovuar kontratën me Dinamon deri në vitin 2029 dhe ka një pagë vjetore prej 500 mijë eurosh, ndërsa në janar mund të zhvendoset në Angli.
27-vjeçari ka shënuar 5 gola dhe ka bërë 3 asistime në 17 ndeshje të luajtura në të gjitha garat për Dinamon, ekip të cilit iu bashkua në janar të vitit të shkuar nga Slaven Belupo për 1 milion euro.
