Ky reagim i tij vjen pas deklaratave të Shefit të Grupit Parlamentar të PDK-së, Abelard Tahiri, i cili deklaroi se kjo Ministri ka nënshkruar 42 kontrata njëburimore me vlerë mbi 9 milionë euro.
Përmes një postimi në Facebook, Durmishi u shpreh se përpjepja e PDK-së për t’i bërë të duken si ajo vet, është e dobët dhe e dështuar.
Madje, ai thotë se mënyra e qeverisjes nga ta, “si duket po ju pengon shumë atyre që nuk lanë asnjë të zezë pa e bërë”.
“Kjo mënyrë e qeverisjes së drejtë, si duket po ju pengon shumë atyre që nuk lanë asnjë të zezë pa e bërë. Asnjë shkelje të ligjit nuk e kemi bërë, e nuk e kemi asnjë aferë korruptive, e për më shumë kujdesemi në maksimum për paranë publike, gjë që është e pa kuptueshme për qeverisjet e kaluara e sidomos për PDK-në, që e zhvatën shtetin për vite me rradhë. Të gjitha kontratat tjera janë të nënshkruara nga qeverisjet e kaluara, me gabime të mëdha, në projekte, paramasa, pozicione të pa parashikuara e duke lënë gjithëmonë hapësirën për penallti, pra ku Ministria obligohet të paguaj dëmshpërblime milionëshe pa asnjë punë të kryer. Dhe ndërkohë në teren përballemi me një gjendje jo të mirë të rrugëve për shkak të punimeve të ndërprera. Në mënyrë që ti përfundojmë këto kontrata kemi nënshkruar aneks kontratat për punë shtesë, të gjitha sipas legjislacionit në fuqi dhe në përpikëshmëri me të”, shkroi ndër tjerash Durmishi.
Tutje, zëvendësministri ka paralajmëruar edhe padi për të gjitha këto akuza nga PDK-ja.
Po ashtu, ai thotë se është vetëm një kontratë e negociuar e lidhur nga Ministria për projektin e “Zgjatjes së pisës së Aeroportit Adem Jashari”, projekt i ndërprerë për shkak të pandemisë.
“Është vetëm një kontratë e negociuar e lidhur nga MMPHI-ja, për projektin e “Zgjatjes së pistës së airoportit Adem Jashari”, projekt ky i ndërprerë për shkak të pandemisë. Sot pista e aeroportit është e zgjatur, janë instaluar mjete navigimi që aeroportin tonë e bëjnë më të sigurtin në Ballkan. Të gjitha kontratat tjera janë të nënshkruara nga qeverisjet e kaluara, me gabime të mëdha, në projekte, paramasa, pozicione të pa parashikuara e duke lënë gjithëmonë hapësirën për penallti, pra ku Ministria obligohet të paguaj dëmshpërblime milionëshe pa asnjë punë të kryer. Dhe ndërkohë në teren përballemi me një gjendje jo të mirë të rrugëve për shkak të punimeve të ndërprera. Në mënyrë që ti përfundojmë këto kontrata kemi nënshkruar aneks kontratat për punë shtesë, të gjitha sipas legjislacionit në fuqi dhe në përpikëshmëri me të”, thuhet ndër tjerash në postim. /teve1.info/
