Ndërtimi i urave në Kosovë po ecën me një dinamikë të pazakontë.
Kështu thotë zëvendësministri i Infrastrukturës, Hysen Durmishi, duke bërë të ditur se paradite është vendosur themeli i bregores, ndërsa pasdite themeli i mesit të urës.
Ai ka thënë se ky ritëm është ndër më të shpejtit të parë ndonjëherë në këtë fushë, ndërsa ka paralajmëruar se qytetarët shumë shpejt do të kenë në funksion urën për qarkullim.
“Në shtator do të kalojmë me vetura, e këmbë në trotuare”, ka shkruar Durmishi në një postim në Facebook.
Procesi i kontraktimit të dy urave ka ngritur dyshime dhe është duke u shqyrtuar nga organet hetimore për transparencë dhe ligjshmëri. Ndërkohë, ndërtimi i tyre po shihet edhe si çështje politike, për shkak të ndjeshmërisë në veri të vendit./teve1.info/
