Ministri në detyrë i Infrastrukturës, Hysen Durmishi, ka njoftuar se nga mbrëmë ekipet e mirëmbajtjes janë në gatishmëri për të menaxhuar reshjet e shiut, të cilat kanë ndikuar në rrugët rajonale të Kosovës.
Durmishi ka thënë se ekipet e mirëmbajtjes janë në terren dhe po ndërhyjnë kudo që është e mundur për të përmirësuar kushtet e qarkullimit.
Në fund, ai ka apeluar shoferët që të kenë kujdes në vozitje dhe t’u përshtaten kushteve të rrugës.
“Që nga mbrëmë jemi në gjendje gatishmërie për të menaxhuar sa më mirë reshjet e shiut, të cilat kanë ndikuar edhe në disa nga rrugët tona. Ekipet e mirëmbajtjes janë në terren dhe po ndërhyjmë kudo që është e mundur për të përmirësuar kushtet e qarkullimit.Megjithatë, na duhet edhe bashkëpunimi juaj, ju lusim të vozitni me kujdes të shtuar dhe t’u përshtateni kushteve të rrugës”, ka shkruar ai./teve1.info/
