Ministri Murati, që nga dje është bërë pikë sulmi për shkak të një statusi në Facebook më 1 tetor 2016. Në atë status Murati tërhiqte një paralele mes veteranëve të Ushtrisë Çlirimtare të Kosovës me mercenarët, ku thoshte se “këta tre muaj luftë të një ushtrie guerile dojnë më na dalë shumë ma shtrenjtë se një ushtri e rregullt”.
Por, pas rikthimit të këtij statusi në vëmendje, ministri e ka fshirë postimin.
Prandaj lidhur me këtë rast edhe Çerkin Dukolli nga Nisma Socialdemokrate në emisionin “Info Nata” deklaroi se Murati ka fyer rëndë themelet e shtetësisë së vendit, UÇK-në, veteranët dhe të gjitha kategoritë që sipas tij, e kanë sjellë Kosovën ku është tani një vend i lirë dhe demokratik.
“Ne konsiderojmë që deklarata e ministrit Hekuran Murati është fyerje për secilin qytetare të Republikë së Kosovës, për çdo patriot dhe patriote të Republikës së Kosovës, ka fyer rëndë themelet e shtetësisë së vendit, ka thyer ADN-në e shtetësi së Republikës së Kosovës që është Ushtria Çlirimtare e Kosovës dhe të gjitha frytet e saj. Sigurisht se sot janë të fyet të gjithë veteranët, ish luftëtarët e ushtrisë çlirimtare të Kosovës, familjarët e dëshmorëve, familjarët e të zhdukurve, janë të fyer të gjithë invalidët, martirët, heronjtë e kombit me një fjalë secili qytetar i Kosovë i cili në ndër vite me një fjalë është e fyer edhe iniciativa edhe angazhimi i çdo përpjekje ndër vite ndër breza i të gjithë patriotëve shqiptar të cilët na kanë mundësuar që sot ne të jetojmë të lire në Kosovë”, tha Dukolli./Teve1/
