Dukagjini ka shënuar fitore të madhe në udhëtim te Llapi në “Zahir Pajaziti”.
Ekipi klinas fituan me rezultat minimal 0-1 në ndeshjen e mbetur të xhiros së 12-të në Albi Mall Superligën e Kosovës.
Iljasa Zylfiu shënoi golin e fitores me kokë, pas një harkimi fenomenal të Blerim Morinës në minutën e 49-të.
Llapi u mundua deri në fund për ta rikthyer rezultatin por një gjë e tillë nuk u arrit. Madje, skuadra e Batatinës u tregua e pasuksesshme në ekzekutimin e dy penalltive.
Gerhard Progni dështoi nga pika e bardhë në pjesën e parë, ku golin ia pamundësoi Kenan Haxhihamza me një pritje fantastike.
Gardiani i Dukagjinit ka pritur penalltinë përsëri në minutën e 90-të pas ekzekutimit nga Ilir Krasniqi.
Llapi tani mbetet me 13 pikë në pozitën e gjashtë, ndërsa Dukagjini ka 12 sosh në vendin e tetë.
