Shtëpia Botuese “Dukagjini” ka reaguar rreth pretendimeve se shtëpitë botuese i kanë rritur çmimet e teksteve shkollore.
Kjo shtëpi botuese thotë se këtë vit kanë ofertuar për 4 % më lirë se vitin e kaluar.
“Shtëpia jonë botuese, për hir të transparencës, dëshiron ta njoftojë opinionin publik se në ofertimin që kemi bërë në Ministri, pavarësisht inflacionit dhe rritjes globale të çmimeve, kemi ofertuar me çmim më të lirë për rreth 4% krahasuar me vitin 2022”, thuhet në një komunikatë.
“Dukagjini” tutje shton se do ta bëjë maksimumin që t`i përmbushë obligimet që dalin nga legjislacioni në fuqi.
“Për shtëpinë tonë botuese, pajisja e fëmijëve me libra është prioritet mbi prioritetet”, thuhet në reagim.