Dukagjini i Klinës shkroi historinë duke kaluar në raundin e dytë kualifikues të Ligës së Konferencës.
Por, është ndalur të enjten nga Rijeka në rrethin e dytë kualifikues të kësaj gare. Rijeka të enjten fitoi ndaj Dukagjinit 6:1 për ta siguruar kalimin tutje.
Në “Fadil Vokrri” në Prishtinë javën e kaluar kishte fituar 1:0. Serinë e golave për vendësit të enjten e hapi debutuesi Marco Pashaliq, në minutën e 27-të. Franjo Ivanoviq shënoi për 2:0 në minutën e 39-të. Shpresa për Dukagjinin dha goli i Iljasa Zulfiut, që shënoi tre minuta pa përfunduar pjesa e parë. Ai realizoi gol të bukur, falë një devijimi nga mbrojtja e skuadrës kroate.
Por, Ivanoviq më pas shënoi tjetër gol për 3:1, në minutën e tretë të shtesës në pjesën e parë. Mbrojtësi Bruno Goda në pjesën e dytë, në minutën e 64-t, shfrytëzoi gabimin e portierit Kenan Haxhihamza, kurse Nais Djouahra realizoi për 5:1, në minutën e 81-të. Në minutën e dytë të shtesës, Rijeka shënoi edhe një gol për rezultatin final, 6:1. Ivanoviq e kompletoi “hat-trickun” duke e mposhtur portierin Altik Muhaxhiri, që u inkuadrua në minutën e 89-të. Për Rijekën ishte ndeshja e 100-të në garat evropiane.
