Xhiroja e 17-të e Superligës së Kosovës në futboll do të nis sot, me një ndeshje për të përfunduar të dielën, me dy përballjet e fundit.
Ndeshja hapëse e kësaj xhiroje, do të jetë ajo ndërmjet Dukagjinit dhe Ferizajt, që zhvillohet në stadiumin “13 Qershori” në Klinë dhe nis në orën 13:00.
Të dyja skuadrat synojnë fitoren në këtë përballje, pasi synojnë që të largohen nga zona e rënies prej Superligës.
Dukagjini është i parafundit në tabelë me 17 pikë, sa i ka edhe Ferizaj një pozitë më lartë.
Megjithatë, Ferizaj ka rezultate më të mira në tri xhirot e fundit, duke regjistruar tri barazime kurse Dukagjini i ka humbur të trija ndeshjet.
Të shtunën, do të luhen duelet Ballkani – Llapi dhe Malisheva – Suhareka, ndërsa të dielën do të përballen Feronikeli ’74 – Prishtina dhe Gjilani – Drita.
Edhe këto ndeshje startojnë prej orës 13:00, ndërsa kjo xhiro është e parafundit e stinorit vjeshtor në elitën e futbollit kosovar.
