Presidenti i Federatës Shqiptare të Futbollit, Armand Duka, të mërkurën ka dhënë një intervistë për mediumet italiane, ku ka folur për kualifikimin e “kuqezinjve” në Evropian dhe synimin e tyre në turneun që do të mbahet në Gjermani.
Shqipëria është pjesë e Grupit B, së bashku me Italinë, Kroacinë dhe Spanjën, ndërsa duelin e parë në “Euro 2024” e ka të shtunën mbrëma me italianët.
Sa i përket kësaj ndeshjeje, Duka ka thënë se shpreson që Shqipëria ta mposht Italinë por në fund ka shtuar se dëshiron që të dyja kombëtaret të avancojnë nga faza e grupeve.
“Fitojmë me rezultatin 1:0 ndaj Italisë dhe do të ishte e bukur nëse së bashku kualifikohemi në fazën nokaut”, ka thënë ndër të tjera Duka, i cili ka vlerësuar lart sulmuesin Armando Broja dhe mesfushorin Nedim Bajrami.
Pas duelit me Italinë, Kombëtarja e Shqipërisë do të përballet edhe me Kroacinë e Spanjën në fazën e grupeve.