Në emisionin “Këndi i Debatit” në Tëvë1, Dugolli tha se presidenti i Rusisë, Vladimir Putin synon që ta rikthej primatin e ish-bashkimit Sovjetik dhe Ukrainën e sheh si pengesë në realizimin e këtij synimi.
“Dislokimi i forcave të shumta ruse përgjatë kufirit me Ukrainën ishte sinjal i qartë se Rusia kishe planifikuar diçka. Shërbimet inteligjente të SHBA-ve ishin detektuar qartë në ambicien e Rusisë që ta pushton Ukrainën e cila tashmë po ndodhë. Tendencat e Putinit janë të dukshme. Ai synon që ta rikthej primatin e ish bashkimit sovjetik dhe Ukrainë e sheh si një pengesë të madhe në realizimin e synimit. Populli i Ukrainës e ka përqafuar demokracinë perëndimore për shkak se ata kanë qenë pjesë e ish-Bashkimit Sovjetik dhe lirinë e kanë fituar në mënyrë meritore për shkak se e kanë shpallur pavarësinë dhe atë e ka njohur bota”, tha ai.
Sipas tij, shtetet e Evropës nuk janë treguar në nivelin e duhur të ofrimit të ndihmës ushtarake për Ukrainën, pasi sipas tij Rusia vetëm se dihej se kishte vendosur ta sulmoj atë.
“Në këtë rrafsh mendoj që shtetet perëndimore, sidomos shtetet e Evropës paksa e kanë neglizhuar këtë situatë në aspektin e përkrahjes ushtarake sepse dihej që Rusia kishte vendosur ta sulmoj. Dhe mendoj se disa shtete të Evropës nuk janë treguar në nivelin e duhur të ofrimit të ndihmës ushtarake”, ka thënë Dugolli.
Ai thotë se “populli liridashës i Ukrainës do ta mbrojë vendin e vet sado që e ka vështirë me Rusinë”. /teve1.info/
