Enver Dugolli i ftuar në emisionin “DITARI” me Flaka Zogun, i pyetur se sa mund të ndikonte situate e krijuar në Ukrainë në gjendjen e sigurisë në vendin tonë, tha se institucionet tona kanë marrë vendime të duhura dhe se qytetarët duhet të jenë të qetë, sepse situata është nën kontroll.
“Kosova është rreshtuar me kohë me aleatët tanë, BE-në e SHBA-në dhe për këtë qytetarët duhet të jenë të qetë sepse situata është nën kontroll”, tha ai.
Dugolli tha se Serbia ka dhënë disa sinjale që nuk është duke ndenjur kot, prandaj ai konsideron se ekziston mundësia që Serbia të provojë diçka për destabilizim të situatës në Kosovës.
Sipas tij, institucionet tona nuk duhet të rrinë duarkryq në mënyrë që të mos befasohemi.
