Këngëtarja me famë botërore Dua Lipa po qëndron këto ditë në Paris, ku krahas pushimit ka gjetur kohë edhe për t’iu rikthyer punës në studio muzikore.
Artistja ndau me ndjekësit e saj në Instagram një kolazh fotografish nga qëndrimi në kryeqytetin francez, ku mes tyre shfaqeshin edhe momente nga procesi i punës në studio.
Pamjet kanë ngjallur menjëherë entuziazëm te fansat, të cilët prej kohësh presin publikimin e materialeve të reja nga këngëtarja.
Edhe pse nuk ka zbuluar detaje konkrete për projekte apo publikime të ardhshme, prania e saj në studio ka shtuar spekulimet se muzika e re mund të jetë në përgatitje.
Ndërkohë, Dua Lipa vazhdon të shijojë suksesin e albumit Radical Optimism, të publikuar në maj të vitit 2024, i cili ka pasur jehonë të madhe në tregun muzikor global.
Këngë si Training Season dhe Houdini janë kthyer në hite ndërkombëtare, duke dominuar listat muzikore dhe duke konfirmuar edhe një herë suksesin e artistes në skenën botërore.
