Këngëtarja me famë botërore, Dua Lipa, ka mbërritur në Prishtinë për të marrë pjesë në festivalin ndërkombëtar të muzikës “Sunny Hill Festival”, një nga ngjarjet më të mëdha verore në Kosovë.
Para performancës së saj këtë fundjavë, artistja shqiptare me famë ndërkombëtare bëri një ndalesë të veçantë në kryeqytet, duke vizituar një klinikë estetike.
Lajmi u bë i ditur nga stafi i klinikës, të cilët publikuan një fotografi të këngëtares në rrjete sociale, duke e shoqëruar me një falënderim:
“Sot patëm një mysafir shumë të veçantë. Faleminderit që na besuat”.
Performanca e saj në kuadër të “Sunny Hill Festival” pritet të jetë një nga kulmet e ngjarjes, e cila çdo vit sjell në Kosovë artistë të njohur ndërkombëtarë dhe shqiptarë, duke e kthyer Prishtinën në një epiqendër të kulturës dhe argëtimit veror./TAR
