Këngëtarja kosovare me famë botërore, Dua Lipa, gjatë konferencës së sotme, ka falenderuar të gjithë njerëzit për mbështetjen që i kanë dhënë Sunny Hill Festival.
Dua Lipa tha se është krenare dhe e që po e organizon këtë event, derisa tregoi se është e fokusuar në performancë.
“Faleminderit shumë për krejt juve për mbështetjen që po e jepni, jam shumë e lumtur që jam në shtëpinë time sot. Po më vjen mirë që po mundemi me organizu një event të radhës bashkë me ju. Unë jam e fokusuar tërë ditën në performancës e besoj që ka me iu pëlqy shumë juve. Jam krenare dhe e lumtur që jam në shtëpinë time”, tha dua Lipa.
Mirëpo, babai i Dua Lipës dhe njëherit menaxheri i saj, Dukagjin Lipa, tha se nuk ka pasë dëshirë që festivali të mbahet në Gërmi, pasi sipas tij nuk është vend adekuat.
“Gërmia s’ka qenë dëshira jonë me mbajt festivalin këtë vit, është vështirë me organizu një festival me përmasa të tilla në këtë vend, urojmë që kanë me organizu viteve tjera në vendin adekuat,” – ka thënë Lipa gjatë kësaj konference.
