Nga një lis të hënën e pësuan dy qytetarë. Madje njëri humbi jetën pasi pema ra mbi të.
Nisur nga ky incidenti që përfundoi me fatalitet, qytetarët po shprehen të shqetësuar.
Madje po kërkojnë intervenim nga ana e Komunës së Prishtinës.
Rrezik për qytetarët po shihet të jenë edhe lisat që janë rimbjell në fakultetin e Biblotekës Kombëtare.
E në mënyrë që të shmanget rreziku nga ta, njohësi i ekologjisë, Besnik Shabiu, thotë se mirëmbajtja duhet të jetë në një nivel tjetër.
“Në vazhdimësi ka nevojë që të rritet ekspertiza dhe lloje të caktuara bimore, në këtë rast drunjëve duhet të kenë një mirëmbajtje më specifike. Në këtë rast komuna duhet të ketë informacione më të detajume dhe intervenimi të jetë shumë më i saktë. Në mënyrë që të mos kemi raste si ky i fundit. Drunjët e thatë duhet të hiqen menjëherë meqë rrëzohen më lehtë gjatë furtunave”, tha besnik Shabiu, njohës i ekologjisë.
Ekipi i Tëvë1 ka tentuar të marrë qëndrim edhe nga Komuna e Prishtinës, por pavarësisht insistimit, të paktën edhe për një përgjigje me shkrim, ky institucion nuk ka reaguar gjatë ditës së sotme.
Pas erërave të forta që përfshinë kryeqytetin pasditen e së hënës, përveç në lagjen Pejton, lisa u rrëzuan edhe te Muzeu i Prishtinës edhe në Parkun e Qytetit.
Raporti i gazetares Valëza Sylejmani.
