Deklarta e presidentit të Ukrainës, Volodymyr Zelensky se shteti i tij nuk ka ndryshuar qëndrim për sa i përket njohjes së Pavarësisë së Kosovës, ka shkaktuar reagime të shumta.
Driton Hyseni, ish-Kryetar i Delegacionit të Kosovës në Asamblenë Parlamentare të NATO-s, tani zëvendësministër i është drejtuar me një mesazh presidentit të Ukrainës.
“Zoti President Zelensky, nëse integriteti territorial, sovraniteti dhe vullneti i popullit janë parime themelore për Ukrainën, pse nuk i respektoni këto parime kur bëhet fjalë për Kosovën?”, ka shkruar Hyseni.
Ai ka bërë një paralelizëm mes përvojës së Kosovës dhe asaj të Ukrainës, duke kujtuar se Kosova ishte mbështetur nga NATO përballë agresionit serb dhe shkeljeve të rënda ndaj popullsisë.
