Skuadra e Dritës ka mësuar kundërshtarin e rrethit të tretë kualifikues të Ligës së Konferencës.
Në këtë raund, Drita do të përballet me ekipin nga Letonia, Auda, i cili në rrethin e dytë kualifikues e eliminoi Cliftonvillen me rezultatin e përgjithshëm 4:1.
Drita ka avancuar në rrethin e tretë kualifikues, pasi në të dytën eliminoi Bredablikun e Islandës me rezultatin e përgjithshëm 3:1.
Trajneri i Dritës, Zekirija Ramadani ka thënë se ekipi i tij ka të bëjë me një kundërshtar të fortë, por ka insistuar se gjilanasit do të jenë gati për të dyja përballjet.
Ai ka zbuluar se Auda ka shumë lojtarë të huaj në formacion, të cilët e bëjnë diferencën dhe ka shtuar se jo rastësisht në dy raste ka arritur deri në raundin e dytë kualifikues të Ligës së Konferencës.
Ndeshjen e parë, Drita e luan më 8 gusht në udhëtim kurse atë të kthimit pas një jave në Podujevë.
Drita aventurën evropiane këtë sezon e nisi prej raundit të dytë kualifikues të Ligës së Konferencës dhe me Ballkanin, janë ekipet e vetme nga Kosova që ende janë në garë.
Edhe Ballkani, do të paraqitet në rrethin e tretë kualifikues të Ligës së Konferencës ku do të përballet me ekipin nga Irlanda e Veriut, Larne, me ndeshjen e parë që e luan javën tjetër në Kosovë.
