Drita është shpallur kampione e Kosovës në volejboll në konkurrencën e femrave.
Gjilanaset e fituan ndeshjen vendimtare në Ferizaj, përkatësisht finalen e katërt kundër skuadrës FER Volley.
Drita u shpall kampione duke triumfuar me rezultatin 3:1 në serinë finale.
Në ndeshjen e fundit, Drita triumfoi ndaj FER Volleyt me rezultatin 3:2 në sete.
Seti i fundit përfundoi me rezultatin 15:11 në të mirë të gjilanaseve. Setet tjera përfunduan 25:20, 20:25, 25:21 dhe 23:25.
Ky ishte triumfi i gjashtë në kampionat për skuadrën “bardhekaltër”. Ndeshja e së enjtes ishte shumë dramatike, kurse të gjithë setet ishin të barabartë.
