Kampionia e Kosovës në futboll Drita, të premten ka njoftuar për vazhdimin e kontratës me kapitenin Rron Broja.
Mesfushori i gjilanasve ka qenë njëri nga lojtarët vendimtarë edhe në këtë sezon, duke marrë besimin e drejtuesve, të cilët i kanë zgjatur kontratën edhe për tri vjet atij.
Broja sipas njoftimit zyrtar të klubit, ka vazhduar kontratën deri më 2028.
“Kapiteni mbetet kapiten. Kemi kënaqësinë të ju njoftojmë që kemi vazhduar me kapitenin Ron Broja edhe për tre vite të tjera.
Kapiteni mbetet besnik ndaj klubit tonë dhe këtë e ka bërë të ditur drejtori sportiv i klubit z. Valon Zymberi sot me prezantimin e tijë në ambientet e klubit.
Edhe shumë suksese të tjera Roni”, shkruan në njoftimin e klubit në Facebook.
