Skuadra e Dritës, sot zhvillon ndeshjen e kthimit në fazën kualifikuese të Ligës së Konferencës, ku do të jet nikoqire e skuadrës polake Legia Warshava.
“Intelektualët”, ndeshjen e parë patën një paraqitje të mirë, por pasi që shumicën e kohës luajtën me nga një lojtar më pak pësuan 2 me 0.
Klubi gjilanas është gati të bëjë befasinë duke shkrirë disavantazhin ndaj polakëve në ndeshjen kthyese të ‘play-off’-it.
Ndeshja ndaj Legias është paraparë të zhvillohet në stadiumin “Fadil Vokrri” në Prishtinë, me fillim nga ora 20:00.
Ekipi i Zekirija Ramadanit është gati për këtë ndeshje dhe të motivuar maksimalisht për të arritur grupet evropiane për herë të parë në histori.
Drita pritet të ket disa mungesa në këtë sfidë si qendërmbrojtësit Hasan Gomda, i cili u ndëshkua me të kuq në ndeshjen e parë, dhe mesfushori Albert Dabiqaj.
Skuadra gjilanase pritet të ket përkrahje të madhe nga tifozët “Intelektualët” dhe jo vetëm.
