Drita ka fituar kryendeshjen e xhiros së 25 në kuadër të Superligës së Kosovës në futboll. Drita fitoi ndaj Gjilanit me shifra 1:0.
Golin e vetëm në këtë ndeshje e realizoi Blendi Baftiu në minutën e 43’. Drita pas kësaj fitore ka marrë kreun e Superligës me 51 pikë, derisa Gjilani mbetët e treat me 39 pikë.
Fitore triller ka marrë Llapi në “Zahir Pajaziti”, duke mposhtur Ballkanin 3:2 në një përmbysje të çmendur.
Vendasit kaluan të parët në epërsi me Alidemën në minutën e 5 të ndeshjes, derisa mysafirët në pjesën e dytë me dy gola të shpejtë përmbysën rezultatin. Rrahmani baraspeshoi rezultatin në 54’, kurse Korenica në 63′ realizoi për epërsinë e parë të suharekasve.
Ndërkaq, Bianor Neto dha golin e fitores skuadrës llapjane. Llapi me këtë fitore ngritet në kuotën e 32 pikëve, aq sa ka edhe Dukagjini e Prishtina, derisa Ballkani zbret në vendin e dytë.
Malisheva në “Sami Kelmendi” mposhti 2:1 Prishtinën. Sobowale 7’ dhe Hazrollaj 82’ shënuan për fitoren e skuadrës së Malishevës, derisa Prishtina ngushtoi me Shefat Shefitin në 84’.
Prishtina mbetët në vendin e pestë me 32 pikë, kurse Malisheva ngritet e 7 me 28 sosh.