Të martën e 8 korrikut, Drita do të nis kualifikimet në Ligën e Kampionëve, në ndeshjen në Prishtinë, kundër kampionit të Luksemburgut, Differdange.
Ndeshja luhet në “Fadil Vokrri” nga ora 20:00, derisa shënon fillimin e garave evropiane për kampionen e Kosovës, që rikthehet në Ligën e Kampionëve për të synuar sa më lart në garat evropiane, në këtë edicion.
Ndërkohë janë mësuar edhe emrat e gjyqtarëve që do të ndajnë drejtësinë në ndeshjen që luhet në kryeqytet.
Zorbay Küçük nga Turqia është gjyqtari kryesor, i ndihmuar nga anësorët Deniz Caner Özaral dhe Furkan Ürün. Gjyqtar i katërt është Cihan Aydın, ndërsa në VAR dhe AVAR janë Onur Özütoprak dhe Erkan Engin.
Drita është një nga katër skuadrat e Superligës së Kosovës që do të luajnë në garat evropiane.
Fituesja e Kupës së Kosovës, Prishtina luan të enjten në kualifikime të Ligës së Evropës, në udhëtim te Sheriff Tirasspol, derisa Malisheva luan në kualifikime të Ligës së Konferencës, të enjten në Prishtinë me ekipin nga Islanda, Vikingur.
Ballkani do të nis garat kualifikuese të Ligës së Konferencës nga faza e dytë.
