Kampioni Ballkani dhe Drita kanë nisur mirë “startin” e Superligës së Kosovës.
Drita në ndeshjen të javës së parë, mposhti Llapin në stadiumin “sintetik” në Gjilan me shifra 2:0. Dy golat erdhën në pjesën e dytë. Fillimisht Blerim Krasniqi me një gjysmë-vollej (60’) i dha epërsinë Dritës nga një asistim i mbrojtësit Besnik Krasniqi, derisa fitoren e “vulosi” zëvendësuesi Albin Prapashtica në minutën e 77’. Prapashtica hyri në lojë në minutën e 69’ të ndeshjes.
Fitore në javën e parë arriti edhe kampioni Ballkani, ndonëse me vështirësi në udhëtim. Ekipi suharekas në stadiumin “Përparim Thaçi” në Prizren, mposhti Lirinë me rezultat 1:0.
Goli i vonshëm erdhi në minutën e 65’ nga një aksion model i skuadrës suharekase, me realizator Nazmi Gripshi i cili me një të majtë të fortë mposhti portierin Hodaj.
