Oda Ekonomike e Kosovës ka njoftuar se Gjykata Komerciale në Prishtinë ka marrë vendim për pezullimin e njoftimit ZRrE-së lidhur me daljen e detyrueshme të bizneseve në tregun e lirë të energjisë elektrike.
Bazuar në këtë vendim, OEK i ka kërkuar ZRrE-së, të ndalojë çdo veprim që mund të ndikojë negativisht në funksionimin e bizneseve.
E për këtë, Besart Dreshaj nga Lidhja e bizneseve të Kosovës ka deklaruar se e kanë pritur një vendim të tillë nga ana e bizneseve, pasi sipas tij ky vendim ka qenë i jashtëligjshëm dhe i dhunshëm për të dalë në tregun e lirë të energjisë.
Madje, ai ka thënë se janë mbi 300 kompani të cilat kanë ngritur padi ndaj ZRrE-së, derisa ai shtoi se së shpejti do të dorëzojnë padinë në organet kompetente të drejtësisë.
Sipas Dreshaj, 40 mijë punëtorëve u rrezikohet fati i tyre.
“Së pari është një vendim i cili ka qenë i pritur nga ana jonë si lidhje e bizneseve, nga ana e bizneseve në përgjithësi sepse ky vendim ka qenë i jashtëligjshëm dhe ka qenë vendim i dhunshëm për të dalë në tregun e lirë të energjisë sipas këtyre që i thuhet treg i lirë i energjisë se në fakt s’kemi të bëjmë me tregun e lirë të energjisë. Një vendim i tillë ka qenë jashtëzakonisht i mirë dhe pozitiv për fatin e bizneseve, fatin e prodhuesve dhe mbi të gjitha për zhvillimin ekonomik dhe në përgjithësi për Kosovën. ZRrE-ja duhet ta ketë të qartë sepse janë mbi 300 kompani të cilat kanë ngritur padi ndaj ZRrE-s, ne së shpejti si lidhje e bizneseve do ta dorëzojmë padinë në organet kompetente të drejtësisë që në emër të gjithë prodhuesve dhe në emër të bizneseve të Kosovës do të ngremë padi ndaj ZRrE-së, sepse është vendim jashtëligjshëm dhe është vendim me pasoja fatale për të ardhmen e bizneseve dhe për fatin e mbi 40 mijë punëtorëve të cilat frekuentojnë”, ka deklaruar ai në emisionin “Ditari” në tëvë1./teve1.info/
