Deputeti i AAK-së, Shemsedin Dreshaj ka thënë se lista e AAK-së përmban ekspert e njerëz të dijshëm që sipas tij kanë dijen, guximin dhe përvojën e duhur.
Dreshaj ka thënë se në zgjedhjet e 9 shkurtit si koalicion do të marrin 15-20 për qind të votave.
Duke iu referuar numrit në listë, Dreshaj tha se çdo person e bënë vendin e vet dhe nuk ka rëndësi vendosja.
“Unë mendoj që kjo listë brenda vetën ka ekspertë, ka njerëz të dëshmuar, dijshëm dhe jo për një sektor por për shumicën e tyre për të menaxhuar vendin. Pra, ka cilësi, dije, guxim dhe përvojë. Unë mendoj që AAK do të jetë prej 15 deri në 20 për qind më siguri, si tanësi. Nuk mundemi me nda e kemi koalicionin parazgjedhor tash”, ka thënë ai në emisionin “Këndi i Debatit” në Tëvë1.
AAK- ja është në koalicion me partinë NISMA-Socialdemokrate – Konservatorët – E30 dhe Idea.
Zgjedhjet parlamentare do të mbahen më 9 shkurt 2025.
