Analisti, Xhavit Drenori thotë se këdo që do ta kishte propozuar LVV-ja për kryetar të Kuvendit, opozita nuk do ta votonte për arsye të vazhdimësisë së provimit të bllokimit.
Sipas Drenorit, kjo situatë e LVV-së nuk është një bllokadë, por një ngërç.
Madje, ai thotë se LDK-ja nuk është e gatshme të shkojë në zgjedhje, ngase sipas tij në momentin që zgjidhet kryetari i Kuvendit, fillojnë afatet ligjore.
“Unë nuk do ta kisha quajt bllokadë, është një ngërç i cili realisht ka normë që sqaron dhe realisht ajo normë tashmë është përgjigjja e Gjykatës Kushtetuese e cila vite më parë kur ka pasur një problem të tillë janë drejtuar partitë politike në atë kohë dhe Gjykata e ka dhënë shumë qartë se kush kujt i takon propozimi për kryetarin e Kuvendit është pak fatkeqësi por unë po besoj që janë disa elemente që janë rreth këtij problemi. Unë e kam një përshtypje që këdo që do ta kishim propozua për kryetar ose kryetare të Kuvendit edhe pa dal emri i Haxhiut, opozita do të sillej njëjtë sepse është një lloj qasje një lloj çështje e cila është realisht vazhdimësi e asaj që provojnë ta bllokojnë edhe me çështjen e mandateve, votimi i menjëhershëm i kandidates së VV-së do të ishte një lloj përulje. Unë besoj që LDK-ja nuk janë të gatshëm të shkojnë në zgjedhje. Kjo situatë me gjasë po i konvenon LDK-së sepse në momentin që do të zgjidhej kryetari i Kuvendit automatikisht fillojnë afatet ligjore për mendimin tim LDK-ja lutet që të konstituohet edhe Kuvendi e sidomos qeveria”, ka deklaruar Drenori në emisionin “Ditari” në Tëvë1./teve1.info
