Analisti politik, Xhavit Drenori ka deklaruar se një koalicion me Lëvizjen Vetëvendosje do të ishte një hakmarrje e NISMA-s ndaj Partisë Demokratike të Kosovës.
Drenori është shprehur kështu pasi sipas tij NISMA kohëve të fundit ka pasur orvatje të bashkohet me PDK-në e cila siç ka thënë Drenori ‘ia ka mbyllur derën’.
“Limaj ka pasur orvatje sidomos kohëve të fundit që të bashkohet me një subjekt politik sidomos me PDK-në por PDK-ja sikur ia ka mbyllur derën, kështu që do të ishte një lloj kundërveprimi, një lloj hakmarrje edhe kundër PDK-së që ti thotë në rregull se edhe me pas ardh me ju unë më shumë nuk kisha fituar prandaj kjo është një situatë fitore-fitore ndërmjet VV-së dhe Nisma-s nëse veç bëhet”, ka thënë ai në emisionin “Info Nata” në Tëvë1.
