Kryetari i Iniciativës Qytetare “Green” për Drenas, Xhavit Drenori, ka thënë se është vështirë të bëhet opozitë në këtë komunë.
Sipas tij, nuk është e pamundshme, por hapësira është e vogël.
“Nuk është e pamundshme, por është e vështirë, sepse hapësira është shumë e vogël. Ka qenë një televizion atje, ka ikë, nuk kemi as televizion, nuk kemi as radio, i kemi disa portale që janë shndërruar në mjet propagandues të qeverisjes së Lladrovcit. Ata krejt ata çka po postohet në ueb faqe të komunës dalin, ndërsa nuk postohen ato nga opozita. Bëhet gati një vit që asnjë reagim tonin si subjekt politik nuk e kanë postuar. Ne jemi ankuar pak a shumë në institucione, dhe njërin prej tyre e kemi zënë gati, sepse është zënë me dallavere sepse i ka marrë rreth 35 mijë euro nga Federata e Futbollit se ajo e udhëheq edhe një ekip futbollistik”, tha ai në emisionin “Info Nata” në Tëvë1.
Aktivisti opozitar tha se si opozitë janë në zor, sepse në Drenas nuk ka shoqëri civile, nuk ka media dhe ka mbetur vetëm një numër i vogël e asamblistëve pa u “blerë” nga kryetari i komunës, Ramiz Lladrovci.
“Jemi në zor, sepse nuk kemi shoqëri civile, nuk kemi media dhe kanë mbetur vetëm një sosh asamblist të cilët megjithatë nuk ka mundur t’i blejë, sepse një pjesë veç e ka blerë. Në aspektin e nepotizmit, klientilizmit, sepse rastet korruptive nuk janë veç kur korruptohesh me mjete financiare, por edhe në të mira tjera, janë punësuar kryesisht”, shtoi Drenori./teve1.info/
