Xhavit Drenori nga Iniciativa Qytetare “Green për Drenas”, ka thënë se beson që bashkë me Lëvizjen Vetëvendosje do ta arrijnë balotazhin.
Ai ka thënë se me këtë parti kanë bërë një opozitarizëm të “pastër” dhe se me kandidaten e kësaj partie për kryetare, Egzona Tërdevci ka pas bashkëpunim politik edhe në të kaluarën.
Drenori ka thënë se i beson asaj dhe se do ta përkrahë.
Zhvillimet brenda PDK në këtë komunë, ai ka thënë se kanë qenë një nga arsyet pse është bashkuar me VV-në.
“Deri vonë kamë menduar që do të dal vet me iniciativën time me grupin që bashkëpunojmë, por meqë ka një shpërfaqje në publik të asaj që unë jam mundu me përçua gjatë këtyre viteve se çfarë ka brenda Partisë Demokratike dhe çka ndodhë, po mendojmë që bashkimi i forcave tona mund të na çon te balotazhi”, ka thënë Drenori në emisionin “Këndi i Debatit” në Tëvë1.
