Drenica është skuadra e parë që ka siguruar kualifikimin në çerekfinale të Kupës së Kosovës në futboll.
Skuadra nga Skenderaj, të martën, ka eliminuar Trepçën në Mitrovicë në 1/8 e finales pas penalltive.
Dueli ishte tejet interesant dhe fituesi u përcaktua vetëm pas penalltive pasi koha e rregullt e takimit dhe dy vazhdimet nga 15-të minuta, përfunduan pa gola.
Pas penalltive, Drenica eliminoi Trepçën që e mposhti me rezultatin 4:2, ku futbollistët mysafir ishin të gjithë të saktë nga pika e bardhë derisa vendasit dështuan dy herë.
Ndërkohë, skuadrat tjera çerekfinaliste të kësaj gare, do të mësohen të mërkurën edhe enjten kur zhvillohen duelet tjera të 1/8 së finales.
Të mërkurën, do të përballen: Vëllaznimi – Gjilani, Llapi – Vushtrria, Prishtina – Suhareka, Drita – Dukagjini dhe Dinamo Malisheva.
Të enjten, do të luajnë Feronikeli ’74 – Prishtina e Re dhe Ferizaj – Rilindja 1974.
Të gjitha ndeshjet, do të startojnë në orën 12:30 me përjashtim të duelit Prishtina – Suhareka që luhet në stadiumin “Fadil Vokrri” dhe nis në orën 17:00.
