Drenica ka fituar pikët e plota në duelin e vështirë kundër nënkampionës së Superligës, Dritës.
Të dielën në stadiumin “Bajram Aliu”, kuqezinjët triumfuan me rezultat 2:1.
Fatlum Gashi në minutën e 7-të me një gol të bukur nga distanca dhe Kreshnik Uka nga penalltia në minutën e 45+1, shënuan golat e fitores për Drenicën.
Për Dritën realizoi Marko Simonovski në minutën e 46.
Drenica që në xhiron e kaluar humbi nga Ulpiana në transfertë, me këtë fitore të madhe në shtëpi pozicionohet në vendin e pestë me 31 pikë.
Drita zë vendin e tretë me 41 pikë dhe me këtë humbje bën hap mbrapa në luftë për titull.
/Tëvë1/
