Sulmuesi i njohur Dren Gashi, ka drejtuar padi në Federatën e Futbollit të Kosovës ndaj dy klubeve të Superligës, Feronikelit 74’ dhe Dukagjinit.
Gashi pretendon se klubet e lartpërmendura nuk kanë kryer obligimet financiare ndaj tij për tre muaj gjatë prillit, majit dhe qershorit një të vitit të kaluar, ndërsa tjetra e këtij viti.
“Kërkesë kam bërë që bordi i Federates ta shqyrtojë mos obligimin financiar që më kanë dy klubet në të kaluarën”, u shpreh Gashi për Tëvë1.
Ai shpreson që të marr lajme të mira nga kjo çështje, teksa shpreh shqetësimin e tij pasi thotë se i vetmi burim financiar për ta është futbolli.
“Po pres që të vërtetojnë që kam të drejtë në lidhje me këtë kërkesë. Shpresoj ta shqyrtojnë. Uroj që klubet t’i kryejnë obligimet ndaj meje dhe mendoj që është mëkat të kemi kësi probleme në këtë kohë. Ne dhe familjet tona varemi nga futbolli, nuk kemi profesione të tjera”
Kësisoj, skuadra e Dukagjinit nga Klina rrezikon që t’i bllokohet merkato.
