Drejtori i Përgjithshëm i Policisë së Kosovës, kolonel Gazmend Hoxha, ka pritur sot në takim ambasadorin Gerard McGurk, shef i misionit të OSBE-së në Kosovë, së bashku me bashkëpunëtorët e tij.
Takimi u zhvillua në ambientet e Drejtorisë së Përgjithshme të PK-së, ku drejtori Hoxha i uroi mirëseardhje z. Welsing në rolin e ri si Drejtor i Departamentit për Siguri dhe Rend Publik në kuadër të misionit të OSBE-së.
Gjatë diskutimeve, të dyja palët rikonfirmuan vazhdimin e bashkëpunimit të shkëlqyer ndërinstitucional dhe u fokusuan në mënyrat për avancimin e mëtejmë të këtij bashkëpunimi në fushën e sigurisë dhe rendit publik.
Policia e Kosovës shprehu mirënjohje për përkrahjen e vazhdueshme të OSBE-së ndër vite, duke vlerësuar kontributin e rëndësishëm të këtij misioni në zhvillimin dhe fuqizimin e kapaciteteve të saj profesionale.
