Drejtori i Përgjithshëm i Shërbimit Korrektues të Kosovës, z. Ismail Dibrani, ka zhvilluar një takim të rëndësishëm me Presidentin e Komitetit Evropian për Parandalimin e Torturës dhe Trajtimit ose Ndëshkimit Çnjerëzor (CPT), z. Alan Mitchell.
Gjatë takimit, z. Dibrani ka prezantuar arritjet e deritashme të Shërbimit Korrektues të Kosovës, duke theksuar përkushtimin e institucionit për respektimin e standardeve evropiane në trajtimin e të dënuarve dhe të paraburgosurve.
Ai gjithashtu ka ftuar z. Mitchell për një vizitë zyrtare në Kosovë, në mënyrë që të njihet nga afër me punën dhe progresin e bërë në sistemin korrektues të vendit.
Ky takim konsiderohet si një hap i rëndësishëm drejt forcimit të bashkëpunimit ndërkombëtar dhe avancimit të standardeve të trajtimit të të burgosurve në përputhje me praktikat më të mira evropiane.
