Drejtori i Arsimit në Komunën e Podujevës, Avni Fetahu ka reaguar pasi tre nxënës dhe tre kalimtarë mbetën sot të lënduar si pasojë e një sulmi nga një qen, i cili arriti të hyjë brenda në objektin shkollor.
Ai ka thënë se pas incidentit nxënësit dhe qytetarët kanë pranuar tretmanin e duhur mjekësor nga QKMF dhe gjendja e tyre shëndetësore tashmë është e mirë dhe me lëndime të lehta trupore.
“Me të pranuar informatën përmes kontratës që kemi si komunë për trajtimin e qenve endacakë është bërë trajtimi dhe izolimi i kafshës, si dhe i kemi vizituar nxënësit për tu informuar më tej për rastin. Nxënësve dhe qytetarëve të lënduar ju uroj shërim të shpejtë!”, ka shkruar ai.
