Kështu ka bërë të ditur Drejtoresha e Shëndetësisë në këtë komunë, Agnesa Vokshi.
Në një lidhje direkte në “Ditari” në Tëvë 1, ajo tregoi se rastet më të shumta janë paraqitur nga fshati Gramaqel dhe fshatrat përreth.
“Qysh e ceka na ka lajmëruar një doktor nga një ordinancë private që ka qenë nga fshati Gramaqel që i ka pasë disa raste jemi interesuar me shiku pra këtyre ditëve a kemi pas raste tjera, kemi parë që në fshatin Prapaqan kanë qenë rastet e para domethënë në regjionin e tij përreth si fshatrat Isniq, Dugovikë këto janë pacientët e parë që na u kanë shfaqë me shenja të helmimit”, tha ajo.
Tutje, Vokshi bëri të ditur se janë në pritje të rezultateve të analizave të marra nga uji i pijes, teksa thotë se po bëjnë fushata vetëdijësuese lidhur me higjienën e ujit të pijes.
“Ne po mundohemi që sa më shpejt të kemi analizat dhe rezultatin e të ujit të pijes, jemi në pritje menjëherë pas rezultateve ne përveç tyre po bëjmë fushata vetëdijësimi që sa më shumë edhe higjiena të jetë në nivel për shkak se munden të kenë helmime edhe nga higjiena por ne po mundohemi që sa më shumë të jemi në kontakt edhe me pacientët që t’i paralajamërojmë që të paktën deri sa të kemi rezultatin, ujin mos ta konsumojnë”, tha ajo.
Ndërkaq, Drejtoresha ka treguar edhe gjendjen me furnizim të barnave – për çka thotë se është mjaftueshëm mirë, por që nëse shtohet numri i pacientëve ato do të jenë më të pakta.
“Momentalisht gjendja me furnizim të barnave është mjaftueshëm mirë, në rast se shtohet numri i pacientëve pa dyshim që barnat do të jenë më të pakta, gjithsesi herën e kaluar kemi pasur donacione. Momentalisht me barna qëndrojmë mirë sepse jemi tu u mundu që me i marrë masat preventive që nëse ndodhë diçka më shumë me qenë të gatshëm për gjithçka”, shtoi ajo./teve1.info/
