Kryetari i Komisionit Parlamentar për Kosovën në Qeverinë e Serbisë, Millovan Drecun, ka paralajmëruar sot se ngjarjet si vizita e kryeministrit të Kosovës, Albin Kurti në Tetovë, tregon se nuk kemi të bëjmë më me idenë për Shqipërinë e Madhe, por për realizimin e saj.
Duke folur për RTS, Drecun tha se nuk është për t’u habitur që komuniteti ndërkombëtar nuk ka reaguar ndaj ngjarjeve në Tetovë dhe shtoi se problem nuk janë vetëm qëndrimet e Kurtit, por fakti se ai po punon shumë për të realizuar konceptin e “Shqipërisë së Madhe”.
“Në Kosovë mbrohet integriteti territorial dhe mbijetesa e Maqedonisë së Veriut dhe Malit të Zi. Kushdo që nuk e kupton se avokimi për pavarësinë po i hap rrugën realizimit të konceptit të “Shqipërisë së Madhe”, ose nuk lejohet të shprehë atë që është e dukshme për të gjithë ose është shumë i gabuar”, tha Drecun.
