Kryetari i Komisionit Parlamentar për Kosovën në Serbi, Milovan Dreçun, po vlerëson se zyrtarët perëndimorë nuk duan t’i dëgjojnë pikëpamjet e Beogradit dhe se nuk e respektojnë fare Serbinë.
Ai shtoi se plani franko-gjerman ka hyrë në fazën ‘merre ose lëre’ dhe në të ardhmen hap rrugën e Kosovës drejt NATO-s, transmeton teve1.info.
Dreçun për televizionin Pink thekson se vazhdimi i mëtejshëm i bisedimeve është i mundur vetëm nëse formohet Asociacioni.
“Nëse është thënë qartë nga ana jonë se pa formimin e Asociacionit të Komunave me Shumicë Serbe nuk mund të vazhdojë dialogu, nuk mund të diskutohet për planin franko-gjerman apo evropian, atëherë si ka mundësi që z. Borrell ka thirrur një takim, kjo do të ishte e mundur nëse do të ishte një draft i statutit Asociacionit në tryezë, sepse këto janë procedurat e parashikuara në Marrëveshjen e Brukselit”, thotë Dreçun.
Dreçun ka shtuar se Kosova ka vendosur disa kushte për formimin e Asociacionit të cilat janë absolutisht të papranueshme.
