Trajneri, Alban Dragusha në emisionin qëndror të sportit në Tëvë1 “VAR”, tregoj edhe për problemin ku po shfaqet në lojën e Kosovës.
Dragusha u shpreh se Shala dhe Kryeziu kanë qenë dy lojtarët më të mirë të Kosovës, dhe se futbollistë si këta dy vështirë të gjejnë “dardanët”.
“Unë mendoj që mesfusha është problemi kryesor te ne, nuk është qendra e mbrojtjes. Ne e kemi pasur Herolind Shalën dhe Hekuran Kryeziun që mendoj se kanë qenë lojtarët më të mirë prej që ekziston Kombëtarja e Kosovës. Ata ja kanë bërë më të lehtë edhe mbrojtjes, pasi nuk kanë shkuar kurrë përpara dhe gjithmonë kanë shkatërruar aksionet e kundërshtarëve. Futbollistë si ata dy e kemi problem të gjejmë”, tha Dragusha.
