KEDS ka bërë të ditur se për shkak të zbrazjeve atmosferike, reshjeve të shiut dhe erërave të forta që përfshinë dje një pjesë të Kosovës, rajoni i Zhurit dhe ai i Dragashit vazhdojnë të mos kenë furnizim të rregullt me energji elektrike.
Kjo kompani ka bërë të ditur se ekipet e KEDS-it po punojnë që furnizimi të kthehet sa më parë.
“Ekipet e KEDS-it ndodhen në terren dhe po bëjnë të pamundurën që konsumatorëve tanë atje t’ua kthejnë sa më parë furnizimin me energji elektrike, për çka kërkojmë mirëkuptimin e tyre”, thuhet në njoftim.
