Durak Bajrami vitin e kaluar e kishte dorëzuar armën me leje në Stacionin Policor në Shtime. Këta të fundit i shkuan në shtëpi për vizitë dhe pasi panë gjendjen ku po jetonte, morën iniciativë për ndërtimin e shtëpisë. E i njëjti bashkë me tre anëtarë të familjes dolën sot në shtëpinë e re.
Më 19 shtator 2023 e kishte dorëzuar armën me leje në stacionin Policor të Shtimes.
Por Durak Bajrami nga fshati Rancë nuk e kishte idenë që ky veprim i tij do t’ia ndryshonte jetën.
Pas këtij gjesti nga ai, Policia kishte shkuar për vizitë në shtëpinë e Bajramit ku kishte parë se i njëjti po jetonte në kushte të vështira.
Kështu Policia Rajonale e Ferizajt morën iniciativë për ndërtimin e një shtëpie të re për këtë familje.
Zëdhënësi, Kanun Veseli që ishte iniciatori kryesor tregon se si erdhi deri te ky vendim.
I lumtur se iniciativa e tyre pati sukses, është edhe komandanti i stacionit policor në Shtime.
Toger Haxhi Behluli thotë se ky rast duhet të shërbejë si motiv për qytetarët tjerë që t’i dorëzojnë armët e tyre.
Kurse vetë Bajrami falënderon të gjithë ata që kontribuan në ndërtimin e shtëpisë së re.
Për ndërtimin e shtëpisë së familjes 4-anëtarëshe, një person dhuroi falas tokën e tij.
