Personi i dyshuar për vrasjen që ndodhi më 18 shtator në fshatin Debëlldeh të Vitisë është vetëdorëzuar në Polici këtë të mërkurë.
Bëhet fjalë për J.I., 38 vjeç, ndaj të cilit rëndon dyshimi për veprën penale “vrasje e rëndë”.
Fillimisht, viktima ishte plagosur rëndë në incident, por pas pesë ditësh nuk arriti t’u mbijetonte plagëve duke ndërruar jetë në spital.
Policia e Kosovës ka bërë të ditur se njësitet hetimore kanë zhvilluar veprime të vazhdueshme për kapjen e të dyshuarit, duke përfshirë intervista, masa të veçanta hetimore dhe kontrolle të përsëritura në lokacione të ndryshme.
Këto veprime, sipas Policisë, kanë ushtruar presion që çoi në dorëzimin e tij më 1 tetor 2025.
Rasti është duke u trajtuar nga organet kompetente. /teve1.info/
