Dokumenti që e ka në duar, është i një rëndësie të veçantë.
Për këtë, e dëshmon edhe viti në të cilin është shkruar.
Është ky dokumenti më i vjetër, që e posedon Agjencia Shtetërore e Arkivave të Kosovës.
E brenda këtyre rafteve, ka edhe mijëra dokumente që ruhen me një kujdes të veçante brenda kësaj depoje në ASHAK.
Për këtë edhe hyrja këtu, është e lejuar vetëm për disa persona.
Por, ndryshe nga dokumentet zyrtare, dorëshkrimet që gjenden në bibliotekën e arkivit shtetëror, janë edhe më të vjetër.
Të gjitha këto dokumente të rëndësisë së veçantë, shumë shpejt, pritet të përfundojnë brenda kësaj dhome me siguri të lartë.
Ndërkohë janë të shumta rastet, kur dokumentet që vijnë në arkivin shtetëror janë të dëmtuara.
Për këtë, këto restaurohen brenda këtij laboratori në arkivin shtetëror të Kosovës.
Pas punimeve, dokumentet e dëmtuara kthehen pothuajse në gjendjen që kanë qenë.
Por për gjithë këtë punë që bëhet në këtë agjenci, kryeshefi, Bedri Zyberaj, thotë se kanë nevojë për më shumë hapësirë.
Zyberaj thotë së në Agjencinë shtetërore të Arkivave të Kosovës, ruhet dokumentacion me gjatësi lineare prej 8 km.
Kronika e realizuar nga gazetari Fidan Zejnullahu.
